Mā tētahi pukapuka hou ngā hītōria o te Pāremata Māori e hura

E tūmanako ana tētahi kaituhi Māori, mā tana pukapuka hou mō te rōpū Kotahitanga, arā, te Paremata Māori o tērā atu rautau, ka hohonu ake te puna pārongo mō te kaupapa rā.  

E ai ki a Basil Keane o Ngāti Kahungunu, Rangitāne, me Ngāpuhi, ko te watata ka oti te pukapuka hei te tau e tū mai nei.  Inā tata nei ka tohua ia ki te tekau ma rua, mano tāra ki a ia ki te hapai i āna mahi, he pūtea nō ngā tohu Hītori o Aotearoa a Te Manatū Taonga.  

He hangarau hōu hei mātai i ngā niupepa tawhito.  Koia rā te aranga ake o ngā kōrero mō te pāremata Māori ki te ao o nāia.

E ai ki a Keane, he mea whakatū te Pāremata Māori i te paunga o ngā tau kotahi mano waru rau, ā, ko te whakamutu i ngā mahi hoko whenua Māori tētahi aro nui. 

Ko te whakapono he toru tekau mā iwa mano te rahi o ngā uri Māori i tautoko ā-waitohu ai i te Pāremata Māori, he whika whakahirahira hei tā Keane, inā whā tekau mā rima mano noa te rahi o te iwi Māori whānui i taua wā.  Heoi, i uaua ake te pakanga mō te mana motuhake.

Kāti, ahakoa kāore te ture rāhui i te hoko whenua Māori i mau roa, i whakamanangia i taua wā ko te ture whakahaere whenua Māori me te ture Kaunihera Māori.

Ko te whāinga kia oti te pukapuka hei te tau hōu e haere ake nei.