Mā te pikinga ake o ngā kanohi Māori i roto i te Ope Pirihimana, e whakamahu ai ngā mamae o mua

Tērā te tanuku o te whanaungatanga i waenga i te Ope Pirihimana o Aotearoa me Ngāi Māori, ā, nō te urutomohanga o Ruatoki i te tau rua mano ma whitu, nā wai i hē, kātahi ka hē kē atu.

Engari e ai ki te kaitakawaenga pirihimana ki a Hurimoana Dennis, mā te pikinga ake o ngā kanohi Māori i roto i te ope, e whakamahu ai tērā mamae.