Kaupapa: Crime

Mā te kaupapa rakau anahera ka tuku perehana ki ngā tamariki a ngā mauhere

E puku mahi ana ngā tūao rima mano huri noa i te motu, ki te tākai taonga kirihimete, hei kōha mā ngā tamariki o ngā mātua kua mauheretia ki rō whareherehere.  He whakaritenga nei i raro i te maru o Rākau Anahera, kua tekau mā rima tau e whakahaerehia ana i Aotearoa.

Ahu mai ana te kaupapa nei i tētehi whāea mauhere wahine nō Amerika, ā, kua whānui ake ki ngā whenua iwa tekau, otirā anō Aotearoa. Mā ngā rōpū hoahoa i ngā tōpito o te motu, ka hokona he taonga hei hoatu mā ngā mātua ki ō rātou tamariki.

Otia kua whānui ake te kaupapa ki te awhina i ngā tamariki me o rātou whānau mō te tau.

Hei ngā wiki e tū nei, ka tukuna ngā perehana ki ngā tamariki, hei whakakoakoa i ā rātou i tēnei wā whakanui.