Kaupapa: Environment

Mā Ngāti Pāhauwera ngā paihamu e whakakore i tō rātou ngahere

Aroha Treacher

Kāore a Ngāti Pāhauwera i te whakaae kia ruia te paitini 1080 ki tō rātou ngahere ki Mōhaka.

I tērā marama, i porotēhi ai rātou kia kaua te paitini 1080 i horapa i tō rātou ngahere, nā te kino ki tō rātou rohe.

Kei te whakatūria kētia e rātou he mahere rautaki ki te whakaheke i te nama o ngā paihamu i te ngahere me te whai pūtea hoki i ērā mahi.

Kua rua tekau mā rima ngā tau a Jim Lewis e whakangau paihamu ana.  He mīti hei whāngai mōkai, he huruhuru mā taputapu whai rawa, he mea e hiahiatia nuitia ana.

Ka whakaako ngā tīra patu pōrearea i ngā pūkenga me te mātauranga kia patu aua pōrearea i te ngahere, kia tutuki pai ai te wawata nui.