Kua whakatau whakaetanga tētahi kaitoi nō Aotearoa ki te kamupene o Billabong

Dean Nathan

Nō wai te kupu "Aotearoaland"?  Koinei hoki te ia o te whawhai a Lester Hall o te kamupene toi o Ngāti Pākeha Inc me te kaporeihana rongonui o Billabong.

Kua toru marama ia e tautohe ana i tēnei take me te kimi huarahi e tau ai ngā ngaru hukahuka a Marereiao.

He oranga ngākau mō te ringatoi a Lester Hall kua tau tētahi whakaaetanga mo tana kupu "Aotearoaland" e hokohokohia ana ki runga i ngā tīhate o te kaporeihana rongonui o Billabong.

He ringatoi, he reo mō ngā take whānui o te hapori, ko tā Lester e wawata ma ana mahi e whakakōrero i te iwi whānui o Aotearoaland.

Ki roto i ana mahi o mua hei kaitiaki i ngā taonga nō te ao kohatu i tupu ake ai te ngākaunui ki roto ia Lester kia kōkiri i tētahi tikanga whakaaro e taurite ai te noho a ngā iwi ki tēnei whenua.

Ehara i te mea he parani he tohu noa iho ranei a Aotearoaland engari he wāhi motuhake kē tēnei kua whakatūria e Lester Hall e  tūhonohono ai te Māori me te Pākehā  a muri kaua hoki  hei raweketanga hei mahi tinihanga rānei mā kamupene kē.