Kaupapa: Treaty Settlements

Kua whakatau te kerēme o Whanganui

Wepiha Te Kanawa

Kua kotahi rau whā tekau tau te whakataunga kerēme o Whanganui e putu ana.  I tēnei rā ka kite ngā uri i tōna whakakapinga.

Ko Waikato Tainui, Tūwharetoa rātou ko Ngāi Tahu ētahi o ngā iwi i tuku tautoko mō tēnei kerēme ahurei.

He waru tekau miriona tārā i tukuna ki te iwi mō ngā hara a te kawanatanga, he toru tekau miriona tāra kā hāere ki te whakarauoratanga o te awa.

Ā, mō te wā tuatahi I roto I te hitori o ngā whakataunga kerēme, ka whakatipunatia mai te awa o Whanganui e kīa ana ko Te Awa Tipua I roto i te ture.

He komihana, he māngai nō tāwāhi ētahi o ngā manuhiri tuārangi nō ngā whenua tekau i tae mai ki te taha o Minita Chris Finlayson, ā, ko tāna kātahi ko te kerēme kāmehameha ko tēnei.

Ko te kerēme e whai ake nei ko tā Te Atiawa, whai muri ake he tuku whakapāhā atu ki a Tūhoe.