Kaupapa: Elections

Kua whakatau mā Marama Fox te tūru tuarua mō te Pāti Māori

Wepiha Te Kanawa

Whai muri i te kautetanga o ngā pōti motuhake me te whakamanatanga o te turu tuarua o te Pāti Māori ki roto i te Whare Pāremata, harikoa katoa ana a Marama Fox, me te aha, e renarena tonu ana te taukāea o te whanaungatanga i waenga i a Nahinara me te Pāti Māori.

Hei tā Marama Fox, “Hari koa rawa atu taku ngākau i tēnei wā, he tangata anō e tautoko i tō mātou rangatira a Te Ururoa.  He mokemoke mēnā ka noho kotahi i roto i te whare ehara i te mea ko ia te Kōtuku Rerenga Kotahi nō reira e rua o māua hei tautoko i a ia.”

Ko Marama Fox te mema rārāngi o te Pāti Māori tuatahi nō te whānautanga mai o te Pāti Māori i te tau rua mano mā whā.  Hei ko tāna e tūmanako ana ia ka rite ia ki a Parekura Horomia.

I hui tahi te Pāti Māori me Nāhinara i tēnei rā ki te whakamana i te whanaungatanga.

Hei tā Marama Fox, “Kua haina mātou ko te Pāti Māori me te Pāti Nāhinara i te rautaki me kī, i te kirimana whakahaere mō ngā tau kei te hāaere mai.”

E tūmanako ana a Marama ka whai mana te pāti Māori ki ngā whakatau matua o te motu, nā te mea kua whai wāhi rātou ki te tēpu kōrero o te Whare Pāremata.