Kua whakarewahia a 'Te Pou Matakana' hei whakatutuki i ngā kaupapa o Whānau Ora

Ko te anga whakamua me te kake whakarunga te huarahi mō Whānau Ora inaianei, na te whakarewatanga o te rōpū hou nei "Te Pou Matakana".
Otira, ko te mana whakahaere i ngā putea, ngā matauranga, ngā rauemi, me ngā kaupapa Whānau Ora katoa o Te Ika a Maui ka taka mai ki raro i te rōpū hou nei.

Hei tā Wiremu Kaua, “Ma Te Pou Matakana inaianei mā rātou e whakarongo ki ngā tono o te iwi i raro i te Whānau Ora, no te mea kei ia rātou nei inaianei ngā rawa. Kua tiini te putea mai a Te Puni Kokiri ki roto i Te Pou Matakana. ”

Ko te Poari o Te Pou Matakana kua tohua hei whakatinana i ngā moemoeā, ko Tania Rangiheuea, Suzzanne Snively, ko Robin Hapi me Pahia Turia, a ko te heamana ko Merepeka Raukawa-Tait o Te Arawa.

Merepeka Raukawa-Tait states, “Ko te whainga matua, kia angitu a tatou whānau, kia tū rangatira, kia tū i runga i to rātou ake mana.”

Ka tū te hui a Whānau Ora, ki Mangere ahu atu ki te paunga o te Rātu, i runga i te tumanako hei te otinga, ka tutuki te wero,  "Tautokona Te Whānau, Kia Angitū, Kia Whai Hua"