Kua whakarangatira ngā pūkenga o Tommy Taurima

Aroha Treacher

Ko 'Kotiro Māori e' tētahi o ngā waiata rongonui rawa atu o te ao Māori, na Tommy Taurima i tito e whā tekau ngā tau neke atu ki muri.

Ahakoa he whitu tekau ma whitu ōna tau, e ngākaunui tonu ana ia ki ngā rangi waiata.

Ko tā Taurima, “Kei roto i taku ngākau taku aroha mō taku mokopuna me te papakāinga e tipu atu.”

E karapotia ana ia e ōna hoa, tōna whānau hoki, i te whiwhitanga o tōna tohu mai te whare mahi toi o Hawai'i.

Ko tāna, “Tino hari te ngākau e kite aku hoa, aku hoamahi o Hawai'i, ka heke ngā roimata e tino hari te ngākau.”

Na tōna ūpoko pakuru ki te tuhi i te hā o te ahurea Māori ki Hawai'i me ngā tōpito o te ao, ko Ruawharo me Te Rina ētahi atu anō o ōna waiata rongonui.

Ka piri tēnei tohu ki ērā atu tohu ōna, arā tā te Kuini me tā TWoA i Tāmaki Makaurau mō āna mahi i te ao mahi toi.