Kaupapa: Waitangi

Kua whakaputahia e te Taraipiunara o Waitangi tā rātou aronga ā rautaki

I ngā kokoraho o nehe mo Te Tiriti o Waitangi e whakatata ana ki tōna otinga, e huri ana te aro o Te Rōpū Whakamana ki ngā kerēme kaupapa, kerēme o te wā rānei. 

I raro i te rautaki hōu, ko te whāinga kia oti katoa ngā kerēme o nehe hei te tau rua mano rua tekau. 

Mai i reira ko te aro nui he koke i ngā kerēme kaupapa, kerēme o te wā rānei. Hei tauira, ko aua tū kerēme ko ērā pēnei me te Kohanga Reo, Wai 262, tera mō te wai ranei. 

Ka mutu, no te rangi nei whakarewaina e Te Rōpū Whakamana tana koke i te kereme mo nga hoia Maori i tae ake ki nga pakanga o mua.  

E ai ki te Taraipiunara, ki te tutuki i a ia ngā whāinga o roto i te rautaki hōu me nui ake tana pūtea tautoko me āna kaimahi. He wero i whakatakotoria ki te kāwanatanga i te rangi nei. 

Kāti, i roto tonu i te wairua o Matariki ko te kōrero a te taraipiunara, ko ngā whainga ngā whetu hei arataki i a rātou ki te pae tawhiti.