Kua whakaingoatia ngā pāmu kua uru atu ki ngā whiringa toa o te tohu Ahuwhenua

Te Kāea

Kua whakarewahia e te Minita i ngā Take Māori ko Pita Sharples i ngā pāmu Māori e toru kua whai wāhi ki ngā whiringa toa mo te tohu Ahuwhenua.

Ko te pāmu Himiona o te rōpu kaitiaki o Putauaki , ko te pāmu Ngakauroa o Ngāti Awa me te pāmu Te Rua o Te Moko ngā pakihi kua whakaingoatia.

Kua tuku mihi atu te tahūhū rangapū o Te Puni Kokiri a Michelle Hippolite ki ngā pāmu kua whakaritea, ko tāna ahakoa ko wai ka toa ka tū aua pāmu katoa hei tauira mo te mahi motuhake a ngai Māori i roto i ngā mahi ahuwhenua.

Hei te marama e tu mai nei ka hautu ngā pāmu e toru he huihuinga ahuwhenua mo te marea, hei te tekau ma toru o Hune ka whakaingoatia te pāmu toa o te tohu Ahuwhenua 2014.