Kaupapa: Entertainment

Kua whakaingoatia ngā kaiwaiata me ngā pēne ka uru ki ngā whiringa whakamutunga o te Smokefree Pacifica Beats

Mārakerake te kite i te mana o ngāi Māori i te rārangi o ngā pēne me ngā kaiwaiata ka whai wāhi ki ngā whiringa whakamutunga o te Smokefree Pacifica Beats i tēnei tau.

I tīmata mai te whakataetae Smokefree Pacifica Beats i te tau 1994, i taua wā he wāhanga tohu anake te kaupapa ki raro i te maru o te Smokefree RockQuest', ko tōna whāinga ko te whakamana i ngā tikanga me te reo o te ao Māori me ngā whanaunga ā motu hoki.

E ai ki ngā tohu o te whakataetae Smokefree Pacifica Beats me whakauru ngā kaiwaiata me ngā pēne katoa i ngā taputapu, te reo, ngā tikanga rānei o te ao Māori o te Moana nui ā Kiwa ki roto i a rātou whakaari, waiata hoki. 

Ki tā ngā kaiwhakahāere o te kaupapa ko te ngako o taua tohu ko te whakatenatena i te hunga rangatahi iki te whakamahi i tā rātou reo, i ā rātou tikanga hoki i roto i a rātou mahi. Tāpiri atu ko te whai ano ko te whakanui i ngā rangi, me ngā waiata motuhake no Aotearoa. 

Ko ngā pēne e ono kua uru ki ngā whiringa whakamutunga ko;

Taniwha’ no Te Kura Kaupapa Māori o Hoani Waititi kei Tāmaki ka waiata anake ki roto i te reo Māori, e toru ngā mema o tēnei rōpū, Javan Rivers ko Metotagivale Schmidt-Peke rātou ko Scarlet Manners te kaiwaiata.

Reciprocate’ no te kāreti o Alfriston College ki Tāmaki, tekau ngā mema o tēnei pēne ko Sheldon Rua , Jacob Kauri , Joel Singsam , Pauline Tuia (, Taualoa Lemalu , Eunique Ikiua , Precious Tusega , Wayne Pagaialii , Zaire Ugapo  rātou ko Marcus Patea.

Jah-Mon Fever’ tokoiwa ngā mema o tēnei rōpū no te kāreti o Aotea ko Tipapa Bracken, Evander Seiuli, Benjamin Tofilau, Thomas Temu, Dora Laupola, Julian Wright, Sina Esera, Steven Taotua rātou ko Junior Brown ngā kaitangitangi o tēnei pēne. 

Blue Rhythm’ he pēne no te kāreti o  Porirua College, e waru ōna mema ko  Obe Ngatuakana, Chris Ruaporo, Tiresa Foma'i, Tupe Tuiala-Smith, Kalo Samasoni, Zion Sepelini, Seti Sinoti  rātou ko Filipo Foma'i.

Allen Weaponry’ no te kāreti o Bream Bay me te kura tuarua o Otamatea e toru āna mema ko Lewis de Jong, Henry de Jong rātou ko Ethan Trembath.

‘5XL’ he pēne ano ka tū ki rūnga i te ātāmira e rima ngā mema o tēnei pēne ni te kura tuarua tāne, wāhine rānei o Gisborne ko ngā mema ko  Logan Hohepa-O’Keefe , Cassidy Hohepa-O’Keefe , Liushaan Ngaira , Guy Aupouri rātou ko Shaela Leach.

Ko Kapiolani Ani Kihi Waikato tētahi kaitito, kaiwaiata reo Māori kua uru ki ngā whiringa whakamutunga mo ngā kaiwaiata kotahi anake, ngā kaiwaiata tokorua rānei, he pia a Kapiolani no te kura tuarua o Western Heights i Rotorua.

Ki tōna taha ka tū mai a One and a Half Men, tokorua ngā mema ko Liam rāua ko Ronan Wallace, no te kāreti o Campion in Tūranga.

Ko tētahi o ngā pēne kua whai wāhi ki tēnei whakataetae ō mua kua eke koi ngā taumata ko Nesian Mystik.

Ka tu ngā whiringa whakamutunga ki te Raye Freeman Centre i Tāmaki Makaurau hei te 11th me te 12th o tēnei marama.

Mo ētahi atu whakamarama e hāngai ana ki te whakatetae, tēna whakapā atu ki tā rātou whārangi puka mata Smokefree Pacifica Beats Facebook Page.