Kaupapa: Entertainment

Kua whakaingoatia a Harlem-Cruz Ihaia te toa whakaihuwaka kōhine hōu o Aotearoa mō te tau 2017

Miss Universe - Photo / File

Kua whakaingoatia a Harlem-Cruz Ihaia, tekau mā iwa ōna tau, te toa whakaihuwaka kōhine hōu o Aotearoa mō te tau 2017 ki te wharetāpere o Skycity inapō, he mea whakapāho kore utu atu ai ki te motu mā runga pouaka whakaata mā runga ipurangi anō hoki.

I whānau mai ia i Kahungunu, nāna te Entrepreneurial Challenge me te taitara nui i kapo ake i mua i te aroaro o te tira whakawā, arā ko Teuila Blakely rātou ko Frankie Stevens ko Samala Robinson.

He kaiāwhina a Harlem-Cruz i te kōhanga reo o Te Kupenga o te Mātauranga ki Onekawa.

I roto i tētahi uiuitanga ki a Te Kāea i tēnei tau, ka mea mai ia i uru atu ia ki te whakataetae kia tīnihia te whakaaro o te ao ki ngā taiohi Māori.

“I haere au ki reira i te whakapono au ki taku Māoritanga. Mēnā kāore rātou i te rata, ā, ka puta au i te whakataetae. Nā reira, ko taku hiahia he pupuri ki taku mana Māori motuhake i te mea ko tērā te mea anake kia wehe i au i nga wahine."

Ka pērā anō te iwi Māori, ko ngā mema o tōnā whānau i puta mai i te minenga me te haka i te haka hei whakanui i tōna ekenga.

I kī mai a Harlem-Cruz whai muri mai i tōna angitū, he mea ohorere tōna ekenga.

Nā ngā kōhine i te puna whakamutunga o te whakataetae te pūtea $140,000 i kohi ake mō te rōpū aroha tamariki a Variety.

Ko ētahi atu hua:

Tuarua: Brooke Houia

Tuatoru: Shekinah delos Santos

Tuawhā: Dr Sarah Hensby-Bennett

Tuarima: Holly Waghorn