Kaupapa: Teina Pora

Kua whakaheia te tuku whakamātau kia Teina Pora

E whakapaetia ana kei te ūmere katoa a Teina Pora i tēnei wā. Nō te rangi nei, ka āminetia e Te Poari Tukuhere o Aotearoa, te tono a Pora, kua rua tekau mā tahi tau i rō whare herehere mō tētahi hara kua roa a ia e whakahē ana.

Tekau mā whitu tau te pakeke o Pora, ka mauheretia ia mo te pāwhera me te kohuru i a Susan Burdett, i te tau kotahi mano iwa rau iwa tekau mā rua. Heoi, i te tau iwa tekau mā ono i whakapuakitia e ngā pirihimana te whakatewhatewhanga mō Malcolm Rewa me te tini o ngā mahi pāwhera, ā, hei tā rātou ko Susan Burdett tētahi e ai ki ngā whakamātautau ira. Tekau mā rua ngā wā kua tono tukuhere a Pora, ā, nō te rangi noa nei, tutuki ai. E toru tekau mā waru tau te pakeke o Teina Pora ināianei, ā, kua eke rawa tāna kēhi tono pīra ki te kōti o Te Kaunihera Motuhake a te Kuini.