Kaupapa: Health

Kua whakaae te rongoā tarutaru ki Aotearoa

Ka taea e ngā tākuta te tuku rongoā taru whakamāngina i te kore whakaae a Te Manatū Hauora.

E ai ki te minita hauora tāpiri a Peter Dunne kei te whakakorea e Aotearoa ngā tikanga whakatiki mō taua rongoa kia noho ōrite tēnei whenua ki ētahi atu whenua o te ao.

Kua āheitia ngā tākuta kia tuku whakahaunga mo ngā rongoa hua rauhea.

Kua tāe pai atu te karere ki te Tai Rāwhiti, ki te rōpu whakawhanake āhuatanga ōhanga a Hikurangi Enterprises, ko tā rātou hiahia kia tipuria he rongoā hua rauhea hei ngā rā e taka mai ana.

Heoi, ko te whakapae a Dunne, tērā tonu pea kei riro kē atu te rongoa i tāwahi, mahue mai ngā rohe.

Ahakoa kua āheitia te tuku whakahaunga, tuatahi me whakarite he panonitanga ture kia noho hara kore te rongoā.