Kaupapa: Rena

Kua whai tautoko ngā rangatira o Rena mai i tētahi rōpū nō Motiti

Kei te taunaki tētahi rōpū nō Motiti a Te Kāhui Kaumātua o Te Patuwai i te tono ā ngā rangatira o Rena kia noho tonu te kaipuke Rena ki Otaiti. Kei te noho tōtara wāhi rua nga whanau o Motiti mēnā  ka noho tonu, ka tango rānei Te Rena i Otaiti, a, ko te pūtea pea te take.

Karekau he hopunga i te rangi nei, engari mēnā Ka noho tonu te Rena ki Otaiti, he hopunga nui ka kitea e tētahi rōpū nō Motiti.

Kei te whakahē tētahi hapū o Motiti a Ngāi Te Hapū, ki te tū a Ranapia, engari e ai ki a ia, i ahu mai ōna whakaaro i ngā tikanga Māori.

Hei tā Ranapia, “E kī ana tā tātou tikanga mēnā ka waiho tō waka ki runga i aku whenua tēnā homai he whenua mō te whenua, nā te tuarua te hara o te tangata nāna i hara i pā mai te Rena ki Otaiti, ana ki te utu ko te hara.”

Ko Te Kahu Rolleston tētahi māngai reo mō te hunga rangatahi o Ngāi Te Rangi ka rangona ki te hui nei, hei tāna he kino kē te kite i te moana nei e noho tōtara wāhi rua ana.

E ai ki a Rolleston, “Ki te hoko atu koe i tō whenua, ka hoko atu te mana o te whenua, waiho mā te whakama te tangata e patu.”

Mā tōna mahi auaha ka tāea e ia te puta i ōna whakaaro ki te kāhui whakawā.

Haere tonu ana ngā mahi hei te wiki e tū mai nei, tāria te wā kia kite ko wai ka hua, ko wai ka totohu.