Kua wetekia te hāmene kōhuru i ūhia hēngia atu ki a Kereopa Te Rau

Mere McLean

He pokeao e iri ana ki runga o Tarimano i te rā nei, heoi mō te iwi o Ngāti Rangiwewehi, e koa ana a ngākau kua wetekina te hara i tau ki runga i tō rātou tipuna a Kereopa Te Rau mō tētahi hara kīhai nāna i mahi.

Ko te tikanga o tēnei whakawātea hara, ka hikina te hē i tau ki runga i a Kereopa Te Rau mō te kōhurutanga o te kaimihinare a Carl Volkner ki Ōpōtiki i te tau kotahi mano, waru rau, ono tekau mā rima.

Ko Kereopa Te Rau te tuarua o ngā rangatira Māori kua whiwhi wetenga mō te hara, ko te rangatira o Te Whakatōhea a Mokomoko te tuatahi.  Hei tā Te Rangikaheke Bidois, kaiwhiriwhiri i te whakatau i waimarie rātou i uru te whakawāteatanga ki tō rātou whakatau.

I tāronahia a Kereopa Te Rau i Ahuriri whai muri i tōna kēhi i te marama o Kōhitātea, kotahi rau, waru rau, whitu tekau mā rua. 

E whitu tau whai muri i te kōhurutanga o Carl Volker ki Ōpōtiki. 

I tēnei wā kei ngā uri whakaheke te tikanga e pēhea ai te whakanui i te whakawātea hara nei.