Kua werohia ngā mema paremata Māori e te kaupapa Chump Change

Heeni Brown

Ko te ohu mate pukupuku nei ka whai putea awhina i te kaupapa whakapakari tinana, whakaheke taumaha o 'Chump Change' rua mano tekau ma toru, he kaupapa i whaia e etahi mema paremata no ngā rōpu torangapu maha.

Ehara i te mea ko te kohi putea anahe te hua nui, ina ra, kua whai maramatanga hou a Nanaia Mahuta, kua makere i ngā kirokaramu tekau ma waru i tona tinana, na tana u ki tēnei kaupapa

Ko tā Nanaia, “He maha ngā piki me ngā heke, ahakoa te aha kua timata i runga i tēnei o nga huarahi a, kua whai kaha ki te whakapakari i tōku tinana”.

Ko tētahi o ngā wero nui ki a Te Ururoa Flavell ko te whai taima hei whakapakari i te tinana.

Ko tānal, “Mena ko to ngakau kei te kīa atu me pena koina kei te kiia atu ki tēnei kaupapa me whakapakari te ngakau ki te kī atu, e taea ana mena kei reira tonu te hiahia o te ngakau”.

Kua tō pea te ra ki tenei wahanga o Chump Change, heoi ko ta Nanaia Mahuta, ka wheeke ia ki te takahi tonu i te huarahi o whakapakari tinana.