Kua unuhia e ētahi kamupene ō rātou whakatairanga i a RadioLive

I tae tonu atu ngā kākā wahanui a Willie Jackson rāua ko John Tamihere ki te whakataki ake i tā rāua hōtaka whakamutunga o te wiki i runga i te reo irirangi o Radio Live. Ko te āhua o te tukunga atu o ā rāua patapatai i tēnei wiki mō ngā taitamatāne Roast Busters i manawawera ai ētahi. Me te aha, kua unuhia ake e ētahi kamupene, ō rātou whakatairanga o runga i te hotaka me Radio Live anō hoki.

Kahore ano nga kanohi kitea o Roast Busters, kia hamenehia e te ringa o te ture whai muri i a raua mahi pahupahu mo te ai i nga taitamahine, kahore ano kia eke ki te kaumatuatanga e tika ana.

Engari ao ake i te whakapaahotanga o nga korero nei a Willie Jackson, raua ko John Tamihere, i te Raatu e manawawera ana etahi ki a raua.