Kaupapa: Child Abuse

Kua tukuna te māmā o te kōhungahuna, o Nia Glassiee e te Poari Tuku Here

Te Kāea

Kua whakaae te Poari Tuku Here ki te tuku i te māmā o te pēpi i patua kia mate a Nia Glassie, ā, ko tā te Poari, ehara a Lisa Kuka i te tangata mōrearea ki te hapori. 

Ko Kuka tērā, e whā tekau mā tahi tau te pakeke, i whakawhiua mō te whakamate pokerehū ki te whare herehere mō ngā tau e iwa i te tau 2009.

He mea tuku te whiunga ki a Kuka mō tana kore whai i ngā tikanga ki te whakahaumaru, tiaki tika i tana tamāhine, e toru tau te pakeke.

I whakaae te poari ki te tuku i a Kuka i te marama o Hui Tanguru, heoi anō, ka huripokitia taua tono nā runga i ētahi raru e hāngai ana ki tōna wāhi noho.