Kaupapa: Domestic Violence

Kua tohua a Pāora Winitana hei māngai White Ribbon

Aroha Treacher

E mōhiotia ana ā ia mō te nanakia i te papa poitūkohu, engari, ko tāna mahi nui ko te tiaki i āna tamariki, hei pou hoki mō tōna hoa wāhine.

He mema o te Māpu Māngaru tōna pāpā, nā reira, i tō rātou kainga, i rangona e ā ia te patu tangata, whakapōauau me te waipiro.

Engari, nā te ringa āwhina o tōna māmā i mahue ake aua āhuatanga kino, ināianei, kua tohua ia hei māngai White Ribbon.

E tākaro ana aia mō ngā tau rua tekau neke atu, i te keokeonga poitūkohu mō Aotearoa. He whakatutukinga e tāea ai e ia te tuku i ngā kōrero āwhina.

I tēnei rā kua mau tonu i ā ia tana kī taurangi ki tōna māmā kia kore rawa ā ia e patu i tōna hoa wahine me a rāua tama tokorima.