Kua timata a Paora Maxwell hei tahuhū rangapū mā Whakaata Māori

Tākina ana ngā karakia, kia waatea ai te torona tapu o Whakaata Māori ki tōna tumu whakarae hou.

I mua i te whakaekenga atu o Paora Maxwell ki tāna tūnga mahi hou, ka rere atu te reo pōhiri o Te Puea Marae, o Waikato-Tainui me Whakaata Māori, ki te taonga o te rā, i kawea mai e te iwi whānui o Te Arawa Waka, Te Arawa Tangata.

Ahakoa ngā tāpokopokotanga ā pānga ki a Paora Maxwell i puta i te Poari o Whakaata Māori e whiriwhiri ana ko wai te tumu whakarae hei whakakī ake i te turanga i mahue iho mai i a Jim Mather o Ngāti Awa, hei tā Maxwell kei muri i a ia ko tana whānau, me tana iwi, a, kahore ia e maharahara ana ki ērā pōraruraru.

Hei ta Maxwell, e wawata ana ia kia whakapakari ake a Whakaata Māori, hei teihana motuhake taketake o te ao, kia nui ake tona mana i roto i ngā teihana taketake o te aō.