Kaupapa: Cook Islands

Kua tīmata ngā mahi mō te rā mana motuhake rima tekau o ngā Kuki Airani āpōpō

Wepiha Te Kanawa

Hei āpōpō tīmata ai ngā whakanuitanga i te rima tekau tau e mau ana Ngā Kuki Airani i tō rātou mana motuhake, ā he rau tāngata no nga rāpoi tekau ma rima o te wāhi kei te āta whakariterite i mua i te taenga atu o ngā Mananui ki Rarotonga.

Kua tīmata kē ngā mahi whakanui mo te rā mana motuhake rima tekau o ngā kuki Airani, me te mea hoki kātahi anō te pirimia o Aotearoa a John Key rātou ko te rangatira o te pāti Māori a Te Ururoa Flavell me ētahi atu o ngā mema tōrangapū o Aotearoa kua tae mai ki Rarotonga i tēnei ahiahi tonu.

Tata ki te kotahi rau te nui o te tira i whakaeke ki te taunga waka rererangi o Avarua ki Rarotonga.

Rua miniti mā te huarahi matua e whakariterite ana ēnei tauira o te kāteti o Nukutere i a rātou nekehanga.

Iti ake i te kotahi rā e toe ana kia eke mai te rā nui whakahirahira, ā, kua tīmata moata kē te tangata whenua i ngā mahi whakanui.