Kaupapa: Crime

Kua tiheia te oranga o Zion King whai muri i te makeretanga o ngā here i a ia

Aroha Treacher

He rima tekau mā toru tau te pakeke o te kaumatua nei a Zion King, tekau mā tahi āna mokopuna. Ki tāna, he oranga uaua māna whai muri i ngā whakapae hē koia tērā i kōhuru tōna hoa noho.

Ko tāna, "kei te whawhai tōna au mo tōku oranga ahakoa kua puta au i te whare herehere e hāere tonu ana te wairua kino a ētahi ki a hau ahakoa kihai au i hara.

Kua tukuna āna kōrero whakahē ki te uepu tirotiro ki ngā whanonga a ngā pirihimana, otira, hei tērā tau ka timata te mahi papatoiake, ngā keremē whakahē ki te karauna.

I te tau rua mano tekau, i whakarerea ngā hāmene ki runga i a King mō te kōhurutanga o Chattrice Maihi Carroll nā te korenga o ngā tohu taunaki.

Ki tā ngā pirihimana kei te whai tonu rātou i tēnei take, engari, he oranga whakaiti tō Zion i tēnei wā i aia e whai ana i te tika me te pono māna.