Kaupapa: Boxing

Kua reri a Lou Tyson ki te mekemeke mō te kaupapa rangatira

He kaiwhakataki pouaka whakaata, he kaiwhakakite kākahu anō a Lou Tyson kua tahuri tōna ringa ki te mau komoringa mekemeke mō te wā tuatahi.

He kuhu i ngā komoringa mō te hāpai i tētahi tukinga ratonga āwhina hei te paunga o Whiringa a Rangi. Haunga anō te putanga mai - e hihiko ana ki te wero nui kua tau mai ki a ia.

Hei tā Tyson, ko ētahi kāore i te tino whakapono ki a ia me tana hiahia kia mau komoringa mekemeke.

Kāore a Tyson i te manuhiri ki te whatārangi nui, ko ia anō te kaiwhakataki o te hōtaka rangatahi a 2Kaha, he kaiwhakaari pueru anō, ā, ko ia tōnu te hoa rangatira o Stan Walker.

Hei tā Stan ki a ia, inā kei te whawhai, ko te wikitōria te whāinga.

Ka whakawhiwhia a Tyson ki tōna tohu reo Māori hei ngā wiki e ono, ka tahuri ki te mura o te ahi mekemeke hei te rua tekau mā iwa o Whiringa-a-rangi, ki roto tonu o Tāmaki Makaurau. 

Hei tā Tyson, kua pakari ake ia, e ako tonu ana i ngā mōhiotanga o te ao mekemeke hei painga mōna.