Kaupapa: Waitangi

Kua puta te whakahoki a te hikoi whakahē i ngā mahi kowiri hinu ki te pōhiri a te Pirimia

I te ra whakanui i te hainatanga o te Tiriti o Waitangi, ka tutuki te takingaroa a te Ope Hikoi, kua kawea te kaupapa whakahē i ngā rautaki kowiri hinu a te Kāwanatanga, mai I te Rerenga Wairua, whakaoti atu ra ki Waitangi. Ahakoa i rere atu te reo pōhiri a te Pirimia ki tetahi o ngā kaikorero mo te Hikoi, kia whai wāhi ki te wānanga i ngā nawe o ta rātou rautaki kowiri hinu, arā te whakahoki i rongohia whānuitia i te ra nei.

Ko ngā kaupapa huhua, era ka wherawherahia ki tē taumata korero, e tu ki Taurangatira ia tau, ia tau.

Ahakoa te hekenga mai o ngā roimata o Ranginui, koia ko Taurangatira te pito wehenga whakamutunga a te ope hikoi e kawe atu ana I to ratou kaupapa whakahē I ngā mahi kowiri hinu, waro ano hoki hei painga mo te tai-ao, mo ngā uri whakatupu ko te heke mai.

Ahakoa no nanahi tonu nei te pirimia ka tuku atu i te reo pōhiri ki tetahi kaikorero o te ope kia wānanga i te kowiri hinu. Ki te hē āna whakapae, he huringa whakaaro pea ka tutuki. Heoi ko te ahua nei e kore pea taua kaupapa e tutuki whai muri i te kōrero tahi me te ope hikoi.

I whai wāhi atu ngā uri maha, rōpu tiaki taiao maha ki te kawe i te kaupapa ,me te mea hoki, hei tā tetahi o ngā kaihikoi, he kaitiaki kē te ope hikoi, ehara I te hunga poroteehi.

Kihai te kamupene o Anadarko, i kite i te wariu o te kowiri hinu, ki te riu moana o Taranaki. I puta hoki ake te korero, ki te tu kotahi te iwi, i runga i te whakaaro kotahi, ka huri pea te tai mo te kamupene o Statoil e tāria ana kia keri i te papamoana ki te riu moana o Te Reinga, kia kite I te wāriu o aua mahi.