Kua puta te pātai mēna he pai te ahua whakataetae o te Kapa Haka mo ngā tamariki

Mere McLean

Rere ana te wana, te ihi me te wehi ki te papa whakatutu waewae o Te Mana Kuratahi i te rangi nei, engari ara hoki te urupounamu e iri ana, mena ranei he hua kei roto i tēnei mahi ki a tatau tamariki.

Ko tā Hineamaru Ropiha o Te Kura Kaupapa Māori o Mangere, "matou i roto i te kura kaupapa rohe Māori o Mangere e tu kaha ana mātou i konei, kaare he hē, engari he tautoko i ngā mokopuna, koira te mea tuatahi o te ao".

Mo te kāhui whakawā kua roa rātou e rongo ana i tēnei urupounamu e rere hāere ana, ia te wa, ia te wa.

Ko tā Turuhira Hare tētahi o ngā Kaiwhakawa, “Ko te mea nui pea o ngā whakataetae ma ngā tamariki paku o ngā kura tuatahi e puta ai he hua pai, kia whangaihia rātou ki te aroha o te reo me te aroha o te tu, kaua ki te taniwhatanga o te whakataetae, kei reira hoki kua puta ngā taniwha weriweri o te ao haka”.

Hei ngā ra e tu mai nei, nuku atu i te toru tekau ngā roopu tamariki ka tu ki runga i tēnei papa whakatutu waewae.

Apopo ko tētahi o nga toa o mua ka tu mai ara ko Te Wharekura o Rākaumangamanga.