Kua puta a Tamanuiterā, kua puta hoki ngā ngāngara

Wepiha Te Kanawa

I tōmuri te taenga mai o raumati i te marama o Hakihea, heoi ināianei kua puta a Tamanuiterā, kua puta hoki ngā ngāngara.

E ai ki ngā kōrero kua piki haere te nui o ngā pūngawerewere whiore mā ki Tāmaki, ā te nuinga o ngā kōrero mō te ngāngara nei e rere haere ana kei te hē.

Ko ia te ngangara kare i te aroha nuitia.

Nā te piki haere o te pā mahana i tēnei raumati, kua piki haere hoki te nekehanga o ēnei uri a Whiro.

He ngāngara whenua tēnei pūngāwerewere ki Ahitereiria ki te tonga me te uru, engari kua whakangāngara whenua ia ki koinei mō e hia kē nei rau tau.

E ai ki te tohunga ngāngara o Tāmaki Paenga Hira a John Early e kore te pūngawerewere whiore mā e whakamate i te tangata, engari kē he nui ngā kōrero mōna e rere haere ana kei te hē.

Nō reira mehemea ka kite koe i tētahi pūngawerewere ki tō whare i tēnei raumati, waiho kia whakamate ia i te toenga o ngā ngāngāra paku o tō kainga.