Kaupapa: Kapa Haka

Kua piki ake te tokomaha o ngā rōpū i te whakataetae Kapa Haka ā rohe o Kahungunu i tēnei tau

Heeni Brown, Wikitōria Day

Ko te whakataetae kapa haka ā rohe o Ngāti Kahungunu i tū ki Heretaunga i te rā nei. Ko te tohu i ngā kapa toa e whā hei haere ki Te Matatini ki Ōtautahi a tērā tau te aronga matua.

Ehara i te mea he rōpū e whēke nei te wikitoria i te whakataetae Kapa Haka o Tākitimu Waka, engari e whitu ngā kapa pēnei i a Waipatu Marae kua tae mai i runga anō i te hiahia kia tokomaha ake nga rōpū o te rohe o Ngāti Kahungunu ka whai wāhi ki te whakataetae ā motu o Te Matatini.

E ai ki a Tama Huata, te heamana o tēnei rohe Kapahaka, o ngā tau kua pahure, kua piki te nama o ngā rōpū e tu ana ki te whakataetae.

O ngā rōpū katoa, e whā o rātou ka anga whakamua ki te whakataetae matua o Te Matatini. Ki reira haria ko ngā wawata, ko ngā tūmanako ō Ngāti Kahungunu.