Kaupapa: Kōhanga Reo

Kua huri tuara a Hekia Parata ki te Poari Matua o te Kōhanga Reo

E rere tonu ana ngā pātai i te whare pāremata mō te kōhanga reo, otirā mō tana kamupene tūmataiti, mō Te Pātaka Ōhanga.

Nōnanahi nei, tukuna ai e Te Minita Take Mātauranga ngā whakapae raweke pūtea mō te kamupene rā ki te Tari Hara Tāware, ā, kua puta hoki te tuatahi o ngā roopu mātauranga Māori me te kōrero, e tika ana kia arotakengia.

Ko tā Parata ki rō whare i te ra nei, " kua tutuki tika au i āku nei mahi, kei te hōhā katoa au  na te mea kihai te te poari matua o te Kōhanga Reo i te mahi tika." 

Ae marika, kua pau te aroha a Hekia Parata ki Te Poari Matua.

 “E wahi whakautu ana te iwi whānui ko au ano tēra e whai whakautu hoki."

Mō te taha ki Te Tari Hara Taware ko etahi o nga paearu e kokiritia ai e ratou he arotake, pena ka eke te putea e whakapaetia ana ki tua o te rua miriona taara, ranei he tokomaha nga tanagta ka raru i ngā mahi raweke.

Kaati, i raro i tana mana ka ahei Te Tari Hara Taware te whakatakoto hamene i raro i te ture.

Kaati e rere tonu ana hoki nga patai mo te taha ki te koha rima tekau mano taara. E ai ki ngā kaiwhaaki a Te Kāea, ko te heamana takirua ko Tina Ratana-Olsen tera i utungia mo ana mahi ma te kereme Tiriti.

Heoi, ahakoa te tini o a matou whakapaa atu ki te poari i te rangi nei, kua tuia ona ngutu.

Kaati hei apopo hiki ai te whare paremata mō ngā wiki e rua, noreira, ka ngu tenei take ki te ana o ngā raiona mo te wā nei.