Kaupapa: BUDGET

Kua hui tahi ngā māngai ā Iwi ki te āta wetewete i ngā take nui mo te aō Māori

I ngā kowhiringa pōti e whakatata mai ana, kei te pau hāere te wā ki ngā Minita kia panuihia wa rātou pire i . Na whai ano te aro a te Minita Take Māori, ki te rautaki reo Māori.

Kua tata pae te rautaki ki uta, ka mutu kei te waihangatia te pire i tēnei waa. E tika ana ko te whakahoki i te mana o te reo ki ngā iwi te ngako mā te whakatūnga o Te Mātāwai, e riro ai ngā mana o Te taura Whiri, Te Mangai Paoho me Te Putahi Paoho ki tētahi poari tekau ma rua.

Tokowhitu no ngā iwi, tokotoru no ngā rōpū whai paanga nui, tokorua ngā mangai kawanatanga.

Kāti ko te whakamarama i te Tahua Putea te aro o Bill English. Ko tētahi o ngā hua o roto na Te Kahui Rangatira ano i riro, ara, he rima miriona mō ngā tau e rua ki tana kaupapa nui, Te Mana o Te Wai. 

Ko te whakapono hei tera marama panuihia tuatahitia te pire mo te wai. Ko te mahi nui inaianei ma raua he whakarite he aha tēnei mea te mana.

Hei ngā marama nei whakahaeretia ētahi hui hei aata wherawhera i tēnei mea te mana, ka mutu mā te wa e kite pena ko enei minita tonu ka noho ki te tēpu i te taha o ngā rangatira a iwi ao ake i te kowhiringa pōti.