Kaupapa: Elections

Kua hono tahi te Pāti Māori me te Pāti Nāhinara

Ka tū a Te Ururoa Flavell ki roto i te rūnanga minita o te Kāwanatanga ki ngā kōpaki e toru.  Mātua o aua kōpaki ko tērā o te 'Whakawhanaketanga Māori' kua panonihia nei i te kōpaki 'Take Māori', me te kōpaki o Whānau Ora. 

Tua atu i tēnā ka uakaha ngā mahi whakawhanake i ngā rohe, ā, kua kaha ake te whai wāhanga atu a te Māori ki ngā āhuatanga pōti.

Hēoi kua eke te wā ki tēnei whakaaetanga.  Kua hiahia a Nāhinara ki tētahi atu pōti e pae ai ki uta o rātou kaupapa ki rō whare, ā, kei te Pāti Māori pea tēnā pōti.

Ahakoa kua puta a Marama Fox ki te whare nei hei mema tōrangapū hōu, ka noho tonu a Tariana Tūria hei kaitautoko, hei kaiārahi takirua tonu o te Pāti.

Hei āpōpō, ka whakaingoa te Pirimia, a John Key, i tōna Rūnanga Kāwanatanga, he rua tekau mā rima ngā tūranga Minita kua kitea, engari mō te wā nei ko Te Ururoa Flavell te tangata o te haora, he āhuatanga hei āta whakaaro hei ngā tau e toru e tū mai nei.