Kaupapa: Te Reo Māori

Kua heke te tumu whakarae o Te Taura Whiri i Te Reo Māori

Kua heke te tumu whakarae o Te Taura Whiri I Te Reo Māori, a Glenis Philip-Barbara, kia kuhu ki tētahi tūranga mahi kē atu ki roto i te kāwanatanga.

E wha ngā tau i ārahi te mātanga o Ngāti Porou nei, i te komihana, ā, kua riro i a ia he mahi hou ki Uehā Mātātahi o Aotearoa.

Arā ngā piki me ngā heke, heoi e whā tau mahue nei, kua wehe ake Glenis Philip-Barbara i te whare nei.

I te tau rua mano tekau mā rua, i whakatakētia a Philip-Barbara mō te utu i tīkiti haerere a tōna hoa rangatira ki te kāri pūtea o Te Taura Whiri, engari e ai ki te heamana, a Erima Henare, kaore ia i rihaina i runga i ngā raru o te komihana.

Kua āhua raruraru ngā rā ki tua mo Te Taura Whiri, i te noho rangirua o te rautaki reo Māori hou, engari kei aronui a Henare ki te rapu tangata hei whakakī i ngā hū o Philip-Barbara.

Hei te wiki tuatahi o Whiringa-ā-rangi ka timata a Philip-Barbara hei tumuaki tuarua mo Te Uehā Mātātahi, ā, ka tohua e Te Taura Whiri he tumuaki mō te wā tae noa ki timatanga o te tau e tū mai nei.