Kua hāmenetia ngā tāngata i tuku waipiro ki te tama i ripene pororhaurangi

Te Kāea

Tokotoru ngā tāngata kua hāmenetia na te putanga ā ipurangi o tētahi ripene e whakaatu ana i tētahi tama e porohaurangi hāere ana i Kirikiriroa.  

E rua tekau, e rua tekau mā whitu hoki ngā tau o ngā tāne e rua, ā, e rua tekau mā rima tau te pakeke o tētahi wāhine kua ūhia ki te whakapae, nā rātou i tuku waipiro ki tēnei tamaiti, he hara i raro i te ture hoko me te tuku waipiro, e rua mano tāra te nui o te whiu.

Nō Fairfield te tokotoru nei, ā, ka tū rātou ki roto i Te Kooti ā-rohe o Kirikiriroa hei te rua tekau mā waru o tēnei marama.

Kei te hāere tonu ngā mahi a ngā pirihimana me Te Uehā Mātātahi ki te awhi i te tamaiti i haurangi ai me tona whānau.