Kua aronuitia ngā hōia tautōhito mō a rātou mahi i te pakanga o Vietnam

Lynette Amoroa

E rima tekau tau ki muri i haere a Aotearoa ki te pakanga i Vietnam, i tēnei rā kotahi rau rua tekau ngā ika a whiro o te Ope Mau Pū i ikapahi atu ki Te Papaiōea ki te huihui anō mō ngā momo weneraunga i pā ki a rātou i aua tau.

I tēnei rā i te tau ono tekau mā rima, i tonoa atu te ope tuatahi, he kotahi rau rua tekau ngā hōia mau pū i haere hei pātuwatawata mā ngā hōia o Ahitereiria me Amerika, ki te aukati i a Vietnam ki te Raki.

Tokorima ngā hōia i mate, he nui hoki i tātou.

I tā rātou hokinga mai ki te wā kāinga, ka whakaparahakotia rātou mō te tautoko i tētahi pakanga wehi nei.

Nā tenei āhua, i noho mū ai ngā hōia, heoi ināianei kua mahea i te whakamau.

Hei te pō nei me āpōpō ka whakamaharatia ngā hōia o te Ope Mau Pū i mate ki reira.