Ko te whakapiki oranga mo te hunga taiohi te whai a Mike King

Aroha Treacher

Ki tā te kaiwhakangahau, ta Mike King, i kitea ai te mutunga ke mai o tōna whakahīhī i āia e eke ana ki te papa whakangahau, anō nei he kaiwhakaweti te karawhiu, ā, ko katakata, te whai.  Engari, ki tāna, kua kore rā tēnā tangata i ēnei rā.

E hia mano ngā tamariki o Aotearoa, kua whakarongo ki ngā kōrero a Mike me ōna raruraru. Ko te tumanako ia, ka whai kē ratou i te ara tika.

I ngā tau tekau kua hori, e hia ngā miriona tāra i hāoa e ia, engari, i tūreikura te wairua o Mike. Heoi, kua whakarerekē aua tuāhuatanga inaianei.

I tenei wa, he rima tekau ma tahi ōna tau, he tata ki te whitu ngā tau ki muri i patua e ia taua ngārara. Ko te whai inaianei, ko te whakapiki i te oranga o ngā taiohi o Aotearoa.

Ia ra i kai ai ia i ngā whakapoauau me te waipiro, me te kawe i tēnā wairua ki te papa whakangahau - ko aua whakapōauau rā e whakamahu ana i tōna mate hinapouri.