Ko te whakapae a tētahi kōkā he kaikiri te āhua a ētahi kaimahi o te toa Kathmandu ki āna irāmutu

E noho korowhiti ana te kōkā o ētahi tāne Māori i tana kitenga atu i ngā mahi a ngā kaimahi o te toa o Kathmandu i Onehunga ki āna irāmutu. I tā rātou kuhunga atu ki te toa i ngā rangi tata nei, i waeahia atu ngā pirihimana ahakoa karekau rātou i mahi hara.

E whapaetia ana he mahi whakaparahako e kore e wareware te kōkā me te pātai ia, kei hea te tika i roto i taua mahi?

Kua kore rawa he ahuatanga kaikiri pēnei rawa te kino, i tā Ngawai Rewha i kite ai, i rongo ai nōna me āna tama i kuhu ki tētahi toa hoko kākāhu i te Wenerei kua hori.

Ko tā Ngawai i a rātou e hikoi ana ki roto i taua toa i rongo ia i tētahi kaimahi Āhia e kii atu ki tētahi wahine kia waea atu ki ngā Pirihimana, kihai ia i whakapono i te pēra tā rātou mahi tae noa ki tāna rongo i te wahine e whakamarama atu ki ngā Pirihimana te ahua o āna nei tama.

I tu ātu i tōna kārangirangi mō te take i karangahia ai ngā pirihimana, ko te whakamā me te pouri e tino ngau nei i a Ngawai.

Ko tāna, ahakoa kihai āna tama i te ohorere ki tēra ahuatanga i patua e ia e te pōuri nā te mea ko tā ngā tama he ahuatanga tēra ka pā ki a rātou i ngā wā katoa, heoi ko tā Ngwai ano kare tēra i te tika, ehara ake tama i te mahi kino nā reira ehara i te tika kei te pēra rawa ētahi ki a rātou.

I tukuna e ngawai tōna ingoa me tōna nama ki ngā kaimahi i te toa, he whakapāha tāna i tumanako ai, heoi, kaore i hua pēra mai.

Ko Ngawai, “i wāea mai ngā pirihimana, na rātou i kī mai i te tika kē te mahi a te toa na te mea e toru ngā wai kua tāhae ētahi he kākāhu i reira, ko tā te āpiha i te hihira te ahua o aku tama, kare au i te paku whakaae ki ēra mahi, kare hoki i te tika.”

I ngana mārika a Te Kaea ki te korero ki te Ope Pirihimana, ki te patai he aha te tikanga o tenei momo tohutohu a ratau, heoi kaore tetahi i whakahoki korero mai.

Heoi ko tā te māngai o Kathmandu i whakahoki korero ai.

Ko tā tētahi o ngā rangatira o Kathmandu ko tā Mark Todd ki a Te Kāea, “i hē te mahi o tā mātou kaimahi ki te wahine nei māna tama i tēnei wā, inā kua whakapāha mātou ki a ia me āna tama. “

Ko te hiahia matua a Ngawai kia kore ano tēnei āhua whakaroherohe tangata e pā ki a ia, ki āna tama, ki tētahi atu hara kore ranei.