Ko te whai a Davis ko te whakakore i te mahi tūkino whānau

Dean Nathan

Kua ara mai ano a Kelvin Davis ki te pae me te ngakaunui kia kokiri I te tukinotanga o ngā tamariki me ngā wāhine hei kaupapa matua hei tana hokinga atu ki ro paremata.

“E pukuriri ana au kia rongo he kaiako ano kua tukinohia ētahi tamariki koi a te kaitiaki o aua tamariki kua tukinohia.  Ehara tēnei I te kaupapa o te Māori he kaupapa no hea no hea tēnei kaupapa te tukino I ngā tamariki.”

He kaiako omua, he kaitohu hoki I te matauranga kua rawa kē ona taringa ki ngā whakinga a ngā tauira mō enei mahi morikarika e poke nei ia tatou.

“I tētahi wa I au e tumuaki ana I roto I tētahi  wa toru tekau wiki kua rongo ahau mō tekau ma toru ngā tamariki kua tukinohia.  Me mutu tatou ki tēnei mahi ma tātou ngā tane me mutu tēnei mahi te tukino I ngā tamariki me ngā wāhine.”

Ma te wa ano e mohio ai te whakatau a te kooti teitei mo tēnei o ngā take tukino tutu tamariki engari no te rā nei kua takoto i te mema o Reipa a Kelvin Davis te manuka ma tatou ano ngā tāne e kawe ake.