Ko te taumaha o te tangata ka whakatau i te utu mō Samoa Air

Kua huri tuara a Samoa Air ki ngā pūnaha utu tāngata ō-mua, ināianei mā te taumaha o te tangata e whakatau ai te utu.

E rere ana tēnei kamupene i waenganui i ngā moutere e rua o Upolu me Savai'i, ngā moutere matua o Hāmoa.  Ka rere hoki ki Hāmoa Amerika me Tonga.

Huhua ana ngā utu, engari, he whitu tekau mā rua hēneti mā ia kirokaramu te utu mō te rerenga poto ake, mēnā he kotahi rau kirokaramu tō taumahatanga, he whitu tekau mā rua taara te utu.

Ki tā te Kāhui Tika Tangata, ehara tēnei i te mea takahi i te ture, ehara ko ngā raru taumaha i te mea whakaparahako tangata, kāore hoki te ture i te mana, nā te mea kei waho o Aotearoa taua kamupene.

Heoi, ko te mea makau hei kawe i ngā tāngata ki waenganui moutere, ko te waka tere mō te ono taara te utu.  He whānui ake anō te rārangi tohutohu.

I whakapā atu hoki a Te Kāea ki Air New Zealand, ki tā rātou, kāore rātou i te hiahia te whai utu i ngā tangata mā ia kirokaramu.