Kaupapa: Health

Ko te kaupapa 'Beware Yellow' kia mārama atu ki te mate ate taumaha

Heeni Brown

Ia marama, ia marama ka whānau mai he pēpi kua pāngia e te mate ate taumaha ki Aotearoa.

Nā, i whakaritea te kaupapa o 'Beware Yellow' i tēnei rangi mō ngā mate-onge, hei whakamataara i ngā whānau kore mōhio ki ngā momo tuāhuatanga e whai pānga ana ki tēnei momo mate-onge.

Ko Mere Takutai Pomana tēnei kua whiwhi ki ngā ate e rua, iaianei ko ia me ana matua a Tessa Thornton raua ko John Pomana e whakapakari ana mō te huarahi kei mua i a rātou.

E ai ki a Takuta Helen Evans, ko te mate ara-ate tēra e kaha kitea ana ki ngā whānau Māori, whānau moutere anō hoki.

Ā, o roto i ngā tau e rima kei te takiwa o te rua tekau ngā kēhi kua kitea e ia he uri poroneehia.

Mō Takuta Evans, ka kokiri mua tonu a ia me ana rangahau ki tēnei mate onge nei.