Ngā kaupapa: Kapa Haka, Te Haumi - Day 2, Te Matatini

Ko te hunga rangatahi e kaha pīata mai ana ki Te Matatini

Wepiha Te Kanawa

Ahakoa rā te nui o ngā haratau haka me ngā mahi kāinga kei te ekea te papa whakataetae e te nui o te rangatahi.  

Tekau noaiho ngā ākonga kura tuarua e whakaaehia ana ki ia kapa, inā hoki kia kaua te nui o ā rātou rangatahi e eke ki kō atu i te rua tekau mā rima ōrau o te kapa.

Heoi ahakoa he tauhou ētahi ki te papa o Te Matatini, tērā te minaka nui o rātou kia eke ki te aroaro ā-kapa.

Ahakoa he taiohi tonu e whakaaweawe ana I te aroaro a kapa. Ka pū te ruha, ka hao te rangatahi.

Ko tā Tawa Kershaw, “He tekau mā whitu aku pakeke a ko tenei taku Matatini tuatahi, he tino whakahirahira tenei ki a ahau, ko tenei taku tu tuatahi ki Te Matatini, he teina ahau o te rōpū hoki. Tino hari ahau ki te noho ki tēnei rōpū ki te mahi i ngā mahi a tāne rore.”

I wawe ta Hātea whakatū i a rangatahi ki te papa whakataetae, me ta ratou whakanoho ki a ratou mahi kura. Ki te hiahia ngā akonga ki te mahi haka, me mahi kainga I te tuatahi.