Ko Te Arawa ā runga i te rā nei

Mere McLean

He rā miharo tēnei mō Te Arawa kua whiwhi tā me te tohu a te Kuini o Ingarangi ki Tamaki Makaurau i te rā nei.

Hei tā Trevor Maxwell, koromatua tuarua o Rotorua e mea nei “kei te paa atu rā te hoari ki tōna pokohiwi i te ringa o Te Kāwana Tianara, i a Jerry Mateparae. Kua rangatira katoa mātou ko tōna rahi o Te Arawa i a ia i te rā nei”

I ngā wiki ki muri i te whai a Te Arawa i te tari a Te Kāwana Tianara kia tū ngā whakanuiatanga ki roto i te takiwā o Rotorua. Engari, auare ake.

Hei tā Mauriora Kingi e kii mai nei, “Ko tā te whakaaro a Te Kāwana Tianare, tērā tohu, he tohu nā te Kuini o Ingarangi, ko taana e kiia kei hea he wāhi i tua atu ki te whiwhi i tana hōnore, ki te marae, ki te whare o te Kuini.” 

Heoi, ka whakanuia tonutia te kaupapa nei e Te Arawa hei te Rāhoroi e haere ake nei.

Ko tā Mauriora anō rā, “ko tētahi wahanga o te rā, ko te whakanui i a Tā Toby me te hunga o Te Arawa, i whai wāhi ki roto i ngā honore o te tau hou, nō reira, koia tētahi, ko Kingi tētahi, ko Maureen tētahi.”

Ka timata ngā whakanuiatanga ki te marae o Rākeiao, ki reira hoki rā ngā whakanuiatanga kotahi rau tau o te marae, ā, ka haere tonu ngā whētiwhitī ki Tapuaeharuru mō rātou i whakanuitia ki ngā tohu a te Kuini.