Ko Tākuta O'Sullivan te kaiwhiwhi o te tohu Kiwibank New Zealander of the Year

Heeni Brown

Mō tōna wa tuatahi kua tohua a Takuta Lance O'Sullivan ki te tohu Kiwibank New Zealander of the Year, na, he wahanga ōna e whakamihi atu ana ki tēnei kura ōna.

“Ko tēnei te timatanga o taku hāere nga mai i taua wa tae noa mai ki tēnei wa ko tooku whakāro ko tōku wawata kia tautoko to tātou iwi kia mahia ahau ki waenga i to tatou iwi.”

I Kaitaia, ko raua ko tōna hoa-wāhine ka whakahaere i Te Kōhanga Whakaora, he whare hauora he iti te utu, he ngawari ngā tikanga utu, a, ka whakāengia kia hāere poka noa te tāngata kia aromatawaihia.

Ka rua, i whai wāhi nui ia ki te whakatūnga o te ratonga Manawa Ora Korokoro Ora ki Te Kura o Kaitaia, hei reira tiakina ai ētahi tamariki rua mano no ngā kura tekau ma wha.

Nana hoki te kaupapa Kainga Ora i whakarite, hei whakatikatika i ētahi whare taretare i te Hapori, i runga i te whai kia noho ngā tamariki katoa ki tētahi whare, otira ki tētahi taiao, e taunaki ana i te ora.

Iaianei, ka anga mua tonu a ia i ana tini kaupapa, engari e toro atu ana a ia ki te rangatahi me te kī, ka taea e koe, ahakoa te aha.

“He tohu pai tēnei he tohu nui tēnei me he wero tēnei ki a rātou kia hāere koutou kia tutuki i ēnei tohu kia tutuki ngā wawata a o tatou matua a o tatou tupuna.”