Ko tā te iwi taketake nō Amerika ko Ngāi Māori te tauira rangatira i te mahi whakaora i te reo

Aroha Treacher

Ko tā te rangatira nō te iwi taketake nō Amerika, a Pearl Means, hei tauira rangatira a Ngāi Māori i te mahi whakaora i te reo rangatira.  Kei te whaia e rātou ngā tapuwae o te iwi Māori i a rātou e mahi ana ki te whakatū i o rātou ake kura kaupapa reo iwi taketake.

Kei te tata whatungarongaro te reo rangatira o Pearl Means me  tōna iwi taketake nō Amerika, nā te taenga mai o te Pākehā.

Ko tona hoa rangatira ko Russell Mean, he tangata rongonui Oglala Lakota, nāna i whawhai mō te rangatiratanga o tōna iwi me ngā iwi taketake puta noa i te ao.  I mahi ia i te kiriata Last of the Mohicans, otirā, i whakapau kaha ia mō ngā tau tekau neke atu kia whakatūria ai he kura kaupapa iwi taketake.

Ahakoa rā ngā hōtaka reo taketake kei Amerika i te wā nei, ki tāna, e hua kore ana.  Engari, he ara papatoiake te whakatū i aua kura, kei te whai putea tumatawhaiti rātou kia tutuki ai taua wawata.

Ko Means tētahi o ngā kaikōrero iwi taketake i te hui hauora ki Waimarama, he wāhi mā ngā rangatira ki te matapaki, me pehea rātou te hāpai i ngā iwi taketake.