Kaupapa: Rereātea - Midday News

Ko ngā whakatairanga kai paraurehe kei te whakararu i te hunga tamariki

E ai ki tētahi rangahau hou, kō atu i te rua tekau mā whitu ngā whakatairanga kai paraurehe ka whakaatuhia atu ki ngā tamariki i Aotearoa, ia rā.   

Ko tā te rangahau e mea nei, i kaha whakaatuhia ēnei momo whakatairanga ki ngā wāhi huhua, ahakoa, kāore i tika kia mātakina e te hunga tamariki.

Koinei i hua ake ai te karanga a ngā kairangahau ki te kāwanatanga kia whakakorea ēnei whakatairanga. Hei tā rātau, mā tēnei e heke haere te rahi o ngā tamariki e pāngia ana e te mate mōmona.