Ko ngā tuahine Māori kua wikitoria te taitara Masterchef o Aotearoa

Kei te puāwai ngā moemoeā o ngā tuahine māori nō Maketū, nā rāua ngā waha a ngā kai-whakawā o NZ Masterchef i whāngai ki te whakareka Māori.

I ngā marama e rua kua pahure ake nei, i mātakitaki te iwi whānui i a Kasey rāua ko Karena Bird e whakataetae ana i runga i te pouaka whakaata.

I riro i a rāua ngā waka e rua, nga taputapu kihini he kai, he pukapuka hoki, ā he kotahi rau mano taara, te waariu. Ā ināpo i rite rāua mō ngā mahi nui ki mua i te aroaro.

Kaore rawa te tokorua nei i whakaaro ake ka taea e rāua te puta whakaihuwaka, engari mā te tautoko a te marea, i tutuki ai o rāua moemoea.

Kaare e kore he kai kei ngā ringaringa o ngā tokorua nei, ā taaria te wā ka kite mena ka eke rāua ano ki ngā taumata tiketike o te mahi kai.