Ngā kaupapa: Pacific Affairs, Rereātea - Midday News

Ko e Vagahau Niue ko e Atefua he Tagata Niue - Te Wiki o te Reo Niue

Kua puta i te Manatū mō Ngā Iwi o Te Moana-nui-a-kiwa te karanga kia nui ake te tautoko ki te kaupapa o te Wiki whakanui i te reo o Niue. 

Ko te kaupapa tāhuhu i tēnei tau ko Ko e Vangahau Niue ko e Asefua he Tangāta Niue, arā, ko te reo o Niue te uho o te tangata Niue.

He kōrero tēnei e akiaki ana i a Ngāi Niue mā kia morimorihia tō rātau reo, kia kore ai e mate-a-moa.

E ai ki a Tatauranga Aotearoa, i te tau rua mano tekau mā toru, neke atu i te rua tekau mā toru mano ngā uri Niue e noho nei ki Aotearoa.