Kaupapa: Politics

Kīhai te Kāwanatanga i te āwhina i ngā whānau rawakore hei tā ngā mema tōrangapū Māori

I whāriki a Tā Jerry Mateparae i ngā kaupapa matua o te Kāwanatanga mō ngā tau e toru e tū mai nei, ā, ko ngā whare, ko te whakakore i te rawakore hoki ngā aronga matua.

Ka noho ko Tā Jerry Mateparae hei māngai mā John Key me tōna kāwanatanga, ā, ko te tiaki pai i te rawakore tētahi kaupapa nui mā rātou.

E ai ki ngā mema tōrangapū Māori, kei tawhiti tonu ngā whakaaro a te Kāwanatanga ki ngā whānau rawakore i Aotearoa, ā, kihai rātou i te āwhina i te rawakore.

I te pikinga o te utu o ngā whare puta noa i te motu, ka tiro atu te Kāwanatanga ki te hoko i ngā whare kaporeihana, ā, mā ngā iwi me ngā rōpū hapori te pūtea whakangao.

Ko ngā mahi keri hinu tētahi kaupapa nui kua kaha whakahētia e te Māori, engari ka kōkirihia te kaupapa e te Kāwanatanga.

Hēoi ahakoa kua tata tīmata ngā mahi, he nui ngā take ka whakaawe i te iwi Māori hei ngā tau e toru e heke mai nei.