Kia oti ai te hāmene i ngā hoa rangatira o ērā e riro pēnihana ana

Nōnanahi ka pāhi te pire whakahou i te ture Social Security i tana pānuitanga whakamutunga, e oti te hāmene i ngā hoa rangatira o ērā e riro pēnihana ana, me te mea nei, kahore nei rātou e tāea te whai wāhi atu ki te pēnihana mehemea e noho piri ana te tokorua. I mua i te pūpūnga ake o te Pire, ko te tangata, koia anahe e whiwhi pēnihana kē tērā ka hāmenehia.

I mua i te urunga mai o te pire hōu, ko te kairiro o te pēnihana matuatahika hāmenehia, ahakoa ko te hoa rangatira hoki tērā, ka whai hua mai i taua pēnihana tonu.

I te tau 2012, hei tā tētahi rangahau, he koni ake i te toru tekau mā iwa miriona taara te nui o ngā nama i ahu mai i ngā mahi tinihanga pēnihana. Hei tā te Minita Tuarua Hiranga Tāngata, e tika ana kia utua ngā tokorua i ngā nama inā i mōhio ai rāua i te mahi tinihanga tētahi o rāua, i huri tuara raini kē tētahi ki te take.

Kotahi rau mā rua ngā pōti i whakaae ki te pire, he tekau mā whitu ngā tāngata i whakahē. O aua i whakahē, ko te Pāti Māori ētahi, ā, hei tā Te Ururoa Flavell, Mema Pāremata mō te Waiariki, arā ngā taimahatanga e pākia ana e te hunga whiwhi pēnihana, ā, hei tāna, pai kē atu kia puta maaro kē mai i runga i ngā mahi tinihanga a te hunga whai rawa.

Ka mana te pire hei te tuawhitu o Hōngongoi.