Kaupapa: Business

Kei te wherawhera ngā ture haumaru kai hōu

updated Renee Kahukura Iosefa
Ministry of Primary Industries

Ko te wherawheratanga o ngā ture haumaru kai hōu tētahi o ngā kaupapa nui e kōkiritia ana e te Mānatu Ahu Matua. 

Ko te whāinga kia pai atu ngā ture hōu ki ngā kaipakihi kai, ā, mā te tuku whakaaro a te katoa tērā e ea ai.  Kei te kaha āki a Te Horipo Karaitiana, Tumu Whakarae o FOMA i ngā kaipakihi Māori kia tuku i ō rātou whakaaro, inā kua eke noa atu te wā e whakahoungia ai ngā ture.

E ai ki Horipo Karaitiana ko te ahu matua te pae kei tua, ā ko ngā pakihi kai Māori ngā manu tātāriki. Kō atu i te piriona tāra ka hua i a rātou ia tau.

E whai wāhi nui ana te Māori, kei te tipu hāere ā mātou tukunga ki tāwāhi, ā, e whakamānawa ana i tērā angitu. 

Kei te kaha āki a FOMA i ngā kaipakihi Māori kia whai wāhi ki ngā wherawherahanga o ngā ture hōu e ārahi ana i te taka kai.

Hei tā Karaitiana, “Kia matatau, kia mārama he aha pū nga pānga o te mākete hokohoko.”

Toru tekau mā whā tau te ture haumaru kai e noho pēnei ana, ā, i whakamanahia te pire hou i tērā tau tonu. 

Ki tā Karaitiana, “Me whakahou te ture e ai anō ki te paearu ā-ao, ā mā te kāwanatanga tērā e kōkiri, e tika ai ngā ture whakahaumaru i te kai.”

Hei tērā tau ka kōkiritia te ture hou ki tōna pae whakamutunga.